مراد ضـ,ـرب ب ايده على المكتب وقال بحزم: «خلاص.. كفاية صياح انتو الاتنين! البوليس برة مستني على الأبواب، والمستندات اتسجلت رسمياً في النيابة العامة، وقرار القبض والتفتيش صدر من دقايق، وبلاغ اخـ,ـتلاس الأموال والاعتداء الجسدي تم تفعيله!» زياد وقع على الكرسي كأنه اتشل، وبصلي بدموع التوسل وقال بصوت مكسور وذليل: «سارة.. عشاني.. عشان خاطر العيش والملح.
. متعمليش فيا كده.. هتخربي بيتي وتوديني السجن؟ أنا أبو عيالك.. أنا جوزك!» بصيتله بملامح خالية من أي شفقة، وقولت بصوت حاسم: «أنت مابقيتش جوزي من اللحظة اللي سمحت لواحدة زبـ,ـالة زي دي تمد إيدها عليا وتذلني في مكاني. وأما عن العيش والملح، فأنا اللي وكلتك وعشيتك من حلال أبي، والنهاردة رجعت العيش والملح لأصحابه، ورجعتك لصفر الشمال اللي جيت منه!
» في اللحظة دي، فتح باب المكتب ودخل ظابط شرطة ومعاه عسكريين، وبصوا لزياد وميرهان وقال بصوت جاف: «زياد الشناوي وميرهان فؤاد؟ أنتوا مطلوبين للقبض بتهمة اختلاس أموال عامة، واستغلال نفوذ، واعتداء بدني وعاهة مستديمة.. قدامي على القسم حالا!» ميرهان انهارت تماماً وقعدت على الأرض تصوت وتلطم على وشها وهي بتتشهد وتدعي، والعساكر مسكوها ورفعوها بالقوة ولبسوها الكلابشات، وزياد نزل راسه في الأرض زي الذليل، منكسر، مهان، ومحطم تماماً، واتحطت الكلبشات في إيديه وهو بيجرجر رجليه وراهم وبيبصلي بنظرة أخيرة كلها ندم وحسرة، بس مكنش فيه أي رجعة.
اتقفل الباب وراهم، وبقينا أنا ومراد لوحدنا في المكتب. مراد اتنهد بارتياح كبير وبصلي وقال باسترخاء: «عظمة على عظمة يا سارة.. ماكنتش أعرف إنك بالدهاء والصلابة دي كلها. عملتي فيهم اللي محدش قدر يعمله في سنين.» قعدت على الكرسي وأخدت نفس عميق لأول مرة من ساعات، وحطيت إيدي على راسي الحليقة وابتسمت بحرية حقيقية، وقولت: «الست اللي بتتهان وتتحلق لها شعرها، مش بتمـ,ـوت يا مراد.
. دي بتتولد من جديد بس بنار تحرق الأخضر واليابس. واللي جاي كله ليا أنا وحدي.» عدت الشهور بعد اليوم ده كأنها سنين طويلة من التطهر والسلام النفسي. مجلس إدارة الشركة طـ,ـرد زياد رسمياً من منصبه، وتم تعيين لجنة مؤقتة لإدارة الشؤون تحت إشرافي المباشر، ورجعت الشركة أقوى وأكبر بكتير من الأول، وبقت تحت سيطرتي الكاملة.
زياد اتحكم عليه بالسجن المشدد 7 سنوات في قضية الاخـ,ـتلاس والتزويـ,ـر، وميرهان اتنقلت لسجن النساء بعقوبة موازية، وراحت كل الأموال والممتلكات اللي سـ,ـرقوها ورجعت لحساباتي وللشركة. أما عني أنا.. شعري بدأ يطلع تاني شوية بشوية، وكنت في الفترة دي ماشية في الشارع براس مرفوعة، لا مستخبية ورا طرحة ولا خافة من نظرات الناس.
بالعكس، القصص اللي زي دي بتصنع الست الحقيقية، والوجع هو اللي بيصقل الذهب الخالص. كل ما أبص في المراية وأفتكر اليوم ده، مابقيتش أحس بالضعف ولا الانكسار، بالعكس.. كنت بحس بالفخر والاعتزاز بنفسي، وبقول لنفسي: "سارة الشناوي، إنتي مش مجرد ست اتظـ,ـلمت.. إنتي عاصفة دمرت كل اللي تجرأ يقلل منها، وبنت إمبراطوريتها فوق ركام خـ,ـيانتهم." روايات_مشيره_محمد
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.