مخلفة مرور

مروان بص لي للحظة وبعدين قال دي ضابطة طيبة ساعدتنا نوصل بسرعة البنت مدت إيدها الصغيرة ناحيتي أنا ليلى مسكت إيدها برفق وقلت وأنا آية يا ستي ليلى قالت لي بجدية شديدة إنتي صاحبة بابا؟ ابتسمت رغم الغصة اللي في قلبي لسه متعرفناش على بعض كويس بس ممكن نبقى أصحاب قالت طب خدي بالك منه عشان بابا بيخاف عليا ومش بياخد باله من نفسه مروان نزل راسه وباس إيدها أنا أخاف على نفسي من غيرك ليه يا بنتي؟

في اللحظة دي دخلت الدكتورة وكانت ست في أواخر الأربعينات وملامحها جادة أستاذ مروان لازم نتكلم مروان قام من مكانه وساب إيد بنته بالعافية خير يا دكتورة؟ الدكتورة بصت لليلى وبعدين قالت التحاليل الأخيرة وضحت إن المرض رجع ينشط تاني وإننا محتاجين نبدأ إجراء علاجي في أسرع وقت مروان حسيت إنه فقد توازنه فمد إيده وسند نفسه على طرف السر,,ـــــير يعني إيه رجع؟ هي مش كانت اتحسنت؟

الدكتورة اتكلمت بهدوء هي استجابت للعلاج في البداية لكن للأسف النتائج الجديدة مش مطمئنة وعايزين نراجع خطة العلاج ونشوف أنسب اختيار لحالتها مروان حط إيده على وشه طب اعملوا اللي إنتوا عايزينه أنا موافق على أي حاجة بس بنتي تعيش الدكتورة سكتت لحظة وبعدين قالت فيه احتمال نحتاج نبدأ علاج مكثف لكن لازم نراجع نتائج الفحوصات ونتأكد من قدرتها على تحمله مروان هز راسه وهو مش قادر يتكلم أما أنا فكنت واقفة في مكاني حاسة بالعجز أنا اللي كنت فاكرة إني أقدر أساعده بمجرد ما أوصله للمستشفى اكتشفت إن الطريق اللي قدامي أصعب بكتير من زحمة الشوارع بعد ما الدكتورة خرجت مروان رجع قعد جنب بنته ليلى بصت له وقالت بابا هو أنا هفضل هنا كتير؟

مروان حاول يخبي دموعه مش عارف يا حبيبتي بس هنفضل مع بعض لحد ما ترجعي أحسن من الأول قالت له طب ما تزعلش عشان أنا لما بشوفك زعلان بتوجع أكتر مروان حــ,,ـــــضنها وفضل ساكت في اللحظة دي خرجت من الأوضة وقفت عند الشباك في آخر الممر دموعي نزلت من غير ما أحس افتكرت أبويا الله يرحمه لما كان بيقف قدام سر,,ـــــيري وأنا صغيرة بعد ما خرجت من الحــ,,ـــــريق وكان بيقول لي إن ربنا بعت لي ملاك أنقذني أنا عمري ما عرفت اسم الراجل اللي أنقذني وقتها لكن بعد ما بقيت ضابطة فضلت أدور عليه لحد ما وصلت لمعلومات قليلة عن اسمه وإنه كان شغال في شركة مقاولات وإنه سافر فترة طويلة بعد الدــ,,ـــــادث ماعرفتش أوصله لحد النهارده سمعت صوت من ورايا بيقول حضرة الظابط مسحت دموعي بسرعة ولفيت كان مروان واقف قدامي قال بصوت هادي معلش أنا عارف إني تعبتك معايا النهارده قلت له متقولش كده فضل باصص لي شوية وبعدين سأل إنتي ليه ساعدتيني بالشكل ده؟

كان ممكن تعملي شغلك وتسيبيني أتصرف بصيت له وقلت فاكر حــ,,ـــــريق عمارة شبرا من 12 سنة؟ ملامحه اتغيرت فجأة حــ,,ـــــريق شبرا؟ أيوه حسيت إنه بدأ يفتكر قلت له كان فيه بنت عندها 14 سنة محبوسة في شقة في الدور التالت وسط الدخان والنــ,,ـــــار وأهلها كانوا بره ومش عارفين يوصلوا لها مروان فضل ساكت كملت وأنا صوتي بدأ يرتعش البنت دي كنت أنا وشه اصفر وبص لي بذهول إنتي آية؟