ديب فريزر

"​ياسمين كانت بتعيط: "بس الحبس في الفريزر ده جنون يا ماما! البنت كانت هتمــ,,ـــــوت المرة اللي فاتت لما سبتيها ساعتين! والنهاردة حسام كان هنا.. حسام اتصل بيا وقال إنه كان في الجراج!"​هدى سكتت فجأة.. السكوت كان ألعن من الزعيق."حسام كان هنا؟"​"اه.. اتصل بيا وقال إنه أخد كراتينه ومشيت. . تفتكري.. تفتكري حسام هو اللي أخدها؟

!"​في اللحظة دي، مكنتش قادر أمسك نفسي أكتر من كده. فتحت باب المطبخ بقوة وضــ,,ـــــربته في الحيطة. الصوت رن في الفيلا كلها زي ضــ,,ـــــربة النــ,,ـــــار.​هدى وياسمين اتنفضوا مكانهم ولفوا ليا بوجوه شاحبة زي الأشباح.​دخلت الصالة بثبات خطوات، عيني كانت مثبتة على هدى. "اه يا هدى.. حسام هو اللي أخدها.

"​ياسمين حطت إيدها على بقها وصرخت بذهول: "حسام?!"​هدى حاولت تجمع شتات نفسها بسرعة، ورسمت علامات الصدمة المزيفة: "حسام! أنت.. أنت بتتسحب جوة البيت ليه؟ وأخدت منى فين يا بني آدم أنت؟! أنت خطفت البنت?! "روايات_مشيره_محمد​ضحكت بصوت عالي.. ضحكة مكسورة مليانة قرف: "خطفتها؟! أنتِ بجد بتنطقي الكلمة دي يا هدى؟ أنتِ اللي حبستِ طفلة سبع سنين في ديب فريزر وسيبتيها تتجمد لحد ما شفايفها زرقَت، وجاية تقوليلي خطفتها?!

"​ياسمين وشها جاب ألوان الشارع كله، ورجعت لورا وهي بتترعش: "حسام. . أنت.. أنت شفتها؟"​قربت من ياسمين ومسكتها من دراعها بقوة، بس مش بعنــ,,ـــــف يئذيها، بعنــ,,ـــــف يفوقها: "كنتِ عارفة يا ياسمين؟ كنتِ عارفة إن أمك المريضة دي بتعاقب بنتك وبنتك في الفريزر؟! رد عليا! كنتِ عارفة ولا لأ?!"​ياسمين بدأت تعيط بهستيريا: "والله ما كنت أعرررف إنه النهاردة! أنا كنت برة! هي.. هي كانت بتعمل كده زمان وأنا صغيرة.

. كانت بتحبسني في الصندرة وفي التلج لما أغلط.. ولما عملت كده مع منى قبل كده اتخانقت معاها.. بس.. بس هي قالتلي دي طريقة بتخلي العيل يهدى ويسمع الكلام! "​بصيت لياسمين بقرف عمري ما حسيته ناحية إنسان: "أنتِ مش أم.. أنتِ مجرد لعبة في إيد أمك المريضة.. سيبتيها تدمر حياتنا، وتطلقنا، ودلوقتي كنتِ هنسيبيها تمــ,,ـــــوت بنتك!

"​هدى صرخت بصلف ووقاحة: "سيب دراعها يا حسام! وأعلى ما في خيلك اركبه! أنت معندكش أي دليل ضدنا! البنت معاك؟ مش هتعرف تثبت حاجة! أنا هبلغ البوليس إنك اقتحمت البيت وخطفت البنت من حضانتنا!"​طلعت تليفوني من جيبي.. وفتحت التسجيل. التليفون كان بيلقط كل كلمة اتقالت من أول ما دخلت المطبخ!​وحطيت التليفون في جيب جاكتي وتطلعت فيها بابتسامة سخرية: "دليل؟

التسجيل ده فيه اعترافك بالحبس في الفريزر، واعترافك بإنك عملتي كده قبل كده، واعترافك إنك طلقتينا عشان الفلوس والفيلا.. والأهم من ده كله.."​شورت على الباب الخلفي..أحمد دخل الصالة ومعاه اثنان من رجال الشرطة بالزي الرسمي، ومعاهم دكتور طارق اللي معاها تقرير طبي مبدئي بحالة منى والتجمد اللي صاب جسمها!

​هدى أول ما شافت البوليس، رجليها الشايبة ما شالتهاش، ووقعت على الكنبة ووشها بيتقلب أصفر زي الورق الدبلان.​الضابط قرب بصرامة: "دكتور حسام بلّغنا واستصدـ,,ـــرنا إذن نيابة عاجل بناءً على البلاغ والتقرير الطبي المبدئي من المستشفى.. المدعوة هدى والمدعوة ياسمين، تتفضلوا معانا على القسم. "​ياسمين جثيت على ركبيها وبكت بحــ,,ـــــرقة: "حسام! عشان خاطري! أنا أمها! والله ما كنت أقصصصد! أمي هي اللي غصبت عليا!