استغلال

روايات_مشيره_محمد أول ما الجرسون بدأ يوزع الفواتير على كل واحد فيهم حسيت إن الجو اتغير في ثانية واحدة الضحك اللي كان مالي المكان اختفى وكأن حد ضغط على زرار وسكته سلفتي نجلاء مسكت الفاتورة وبصت فيها مرتين وبعدين رفعت عينيها عليا وهي مش مصدقة قالت بصوت عالي إيه ده يا جماعة هو فيه إيه هنا أخو جوزي الكبير سامح بص في الفاتورة اللي قدامه وقال بعصبية هو الحساب اتقسم ليه أنا مش فاهم الجرسون رد بكل هدوء حضرتك دي فاتورة طلباتك إنت لوحدك ودي فاتورة باقي الطلبات وكل واحد هيدفع تمن الحاجات اللي طلبها نجلاء بصتلي وكأنها بدأت تفهم اللي حصل وقالت إنتي عملتي إيه يا منى ابتسمت وأنا بشرب آخر رشفة من المية اللي قدامي وقلت عملت إيه يعني يا نجلاء قالت وهي بتشاور على الفواتير إنتي اللي قولتي للجرسون يقسم الحساب صح قلت لها بكل هدوء أيوه يا حبيبتي أنا طلبت منه كده عشان كل واحد يدفع تمن أكله زي ما بيحصل في أي مطعم سامح ضـ,ـرب بإيده على الترابيزة وقال إزاي يعني كل واحد يدفع لنفسه وإحنا متعودين إن الحساب كله بيتدفع مرة واحدة بصيتله وقلت متعودين إن مين اللي يدفع يا سامح سكت لحظة وبعدين قال يعني إنتي عارفة قصدي قلت له أيوه عارفة قصدك كويس

بس أنا حابة أفهم منك حاجة هو أنا من إمتى بقيت مسؤولة عن أكل وشرب العيلة كلها نجلاء اتدخلت بسرعة وقالت يا منى إنتي مكبرة الموضوع ليه كده إحنا كلنا أهل ومفيش بينا حسابات بصيت لها وقلت جميل أوي الكلام ده يا نجلاء وأنا كمان شايفة إننا أهل وعشان كده عمري ما اتأخرت عنكم في حاجة لكن بما إننا أهل يبقى المفروض محدش يستغل التاني وشوشهم اتغيرت أكتر لما سمعوا كلمة استغلال أحمد كان قاعد جنبي ساكت من أول ما الفواتير وصلت وده كان أكتر حاجة وجعتني بصيتله وقلت إنت ساكت ليه يا أحمد رفع عينه ليا وقال بصوت واطي يا منى مش وقته الكلام ده خلينا نخلص الليلة على خير وبعدين نتكلم في البيت قلت له لأ يا أحمد هو ده وقته بالظبط لأن كل مرة كنت بقول مش وقته وكل مرة كنت بسكت عشان محدش يزعل لكن واضح إن سكوتي خلاكم تفتكروا إن ده حق مكتسب حمايا الحاج محمود كان قاعد في آخر الترابيزة ووشه متغير من الإحراج قال بصوت هادي يا جماعة بالراحة إحنا جايين نحتفل بعيد ميلادي مش نتخانق لفيت ناحيته وقلت كل سنة وحضرتك طيب يا عمي وأنا والله ما كان قصدي أضايقك في يوم زي ده وأنا دافعة تمن وجبة عيد ميلاد حضرتك زي

ما اتفقت مع الجرسون لكن باقي الطلبات كل واحد يتحمل مسؤوليتها حمايا هز راسه وسكت لكن نجلاء مكنتش ناوية تسكت بسهولة قالت وهي بتبص لباقي إخوات أحمد يعني إيه الكلام ده يا جماعة هو إحنا هنقعد نحسب على بعض اللقمة دلوقتي أخو أحمد الأصغر كريم ضحك ضحكة متوترة وقال يا نجلاء ما إحنا اللي طلبنا كل واحد يدفع لنفسه وخلاص بصتله بحدة وقالت إنت كمان هتسيبها تعمل فينا كده كريم رد عليها أعمل إيه يعني يا نجلاء هي معاها حق إحنا طلبنا حاجات كتير وكل واحد فينا عارف هو طلب إيه الكلام ده زود غضبها أكتر قامت من مكانها وقالت أنا مش هدفع الفاتورة دي الجرسون وقف باحترام وقال تحت أمرك يا فندم بس حضرتك لازم تسددي الحساب قبل ما تمشي نجلاء بصت لأحمد وقالت إنت هتسمح بالمهزلة دي تحصل أحمد اتنهد وبصلي وقال يا منى ادفعي الحساب كله المرة دي وخلاص ونبقى نتكلم بعدين الجملة دي كانت آخر حاجة كنت محتاجة أسمعها منه حسيت إن قلبي اتقبض مش عشان الفلوس لكن عشان جوزي اللي المفروض يكون سندي كان شايف إن الحل الأسهل هو إني أدفع وأسكت بدل ما يواجه عيلته بالحقيقة بصيتله وقلت يعني إنت شايف إن الحل إني أدفع تمن أكلك وأكل إخواتك ومراتاتهم وولادهم كمان عشان محدش