استغلال

يزعل قال بعصبية أنا مش بقول كده بس مش عايز أعمل مشكلة قدام الناس قلت له وإنت فكرت فيا قبل كده لما كانوا بيهزروا عليا إني كارت ائتمان بيمشي على رجليه ولا لما كانوا بيطلبوا أغلى حاجة في المنيو عشان عارفين إني هدفع أحمد سكت كملت كلامي وأنا بحاول أسيطر على صوتي أنا كنت بعمل كده عشان بحترمك وبحترم أهلك وكنت بقول لنفسي إنهم لما يشوفوا إني بساعدهم هيقدروا ده لكن للأسف كل مرة كنت بدفع فيها كنتوا بتعتبروا إن دي دعوة مفتوحة للمرة اللي بعدها سامح اتدخل وقال يا ستي ما إحنا عمرنا ما غصبناكي على حاجة بصيتله وقلت صحيح يا سامح محدش حط إيده في جيبي بالعافية لكن كل مرة كنتوا بتضغطوا عليا بالهزار والإحراج ولما كنتوا تلاقوني ساكتة كنتوا بتزودوا طلباتكم أكتر كريم حط الفاتورة قدامه وقال خلاص يا جماعة كل واحد يدفع اللي عليه ونخلص بدأ بعضهم يطلع المحافظ وبعضهم يفتح تطبيق البنك على موبايله لكن نجلاء فضلت قاعدة مكانها رافضة تدفع كانت طالبة وجبة غالية جدًا ومعاها مشروبات وحلويات ليها ولجوزها وكانت فاتورتها من أكبر الفواتير على الترابيزة بصت لجوزها شريف وقالت ادفع إنت شريف رد عليها أنا معايا فلوس تكفي طلبي بس مش هقدر أدفع طلباتك كلها صرخت فيهروايات_مشيره_محمديعني إيه مش هتقدر إنت جوزي

رد عليها بهدوء وأنا جوزك مش ماكينة فلوس يا نجلاء وإنتي اللي طلبتي كل الحاجات دي من غير ما تسألي عن السعر الترابيزة كلها سكتت كانت دي أول مرة أسمع حد منهم يقول بصوت واضح إن اللي حصل مش طبيعي نجلاء وشها احمر من الغضب وبدأت تلم شنطتها وهي بتقول أنا مش هنسى اللي حصل النهارده يا منى قلت لها وأنا كمان مش هنسى يا نجلاء بس مش عشان إني زعلتك عشان أنا أخيرًا فهمت إن لازم أحط حدود للمعاملة اللي بينا في النهاية كل واحد دفع حسابه بعد نقاش طويل وبعض التذمر والاعتراضات أما أنا فدفعت حسابي وحساب وجبة عيد ميلاد حمايا زي ما كنت وعدت ولما خرجنا من المطعم أحمد كان ماشي قدامي من غير ما يستناني ركبت عربيته وأنا ساكتة طول الطريق لحد ما وصلنا البيت أول ما دخلنا قفل الباب ولف ناحيتي وقال بعصبية إنتي إزاي تعملي كده من غير ما تقوليلي حطيت شنطتي على الكنبة وبصيتله باستغراب أقولك إيه يا أحمد قال إنك هتقسمي الحساب وإنك هتخلينا في الموقف ده قدام الناس ضحكت ضحكة صغيرة من كتر ما أنا كنت مخنوقة وقلت هتخلينا إحنا في الموقف ده ولا هتخليهم هم يتحملوا نتيجة تصرفاتهم قال دول أهلي يا منى قلت له وأنا مراتك يا أحمد سكت

قربت منه وقلت أنا مش طالبة منك تختار بيني وبين أهلك ولا عمري هطلب منك تقطع علاقتك بيهم لكن أنا مش هقبل تاني إنك تحطني في موقف زي ده وتطلب مني أدفع وأسكت عشان خاطرهم قال إنتي عارفة إنهم بيحبوا الهزار وإن الموضوع مش مستاهل كل ده قلت له الهزار بيبقى هزار لما كل الناس تضحك يا أحمد لكن لما شخص واحد بس هو اللي بيدفع تمن الهزار يبقى اسمه استغلال أحمد قعد على الكنبة وحط إيده على وشه قال بعد شوية أنا مكنتش واخد بالي إن الموضوع مضايقك للدرجة دي بصيتله بعتاب وقلت وده اللي مزعلني أكتر يا أحمد إنك مكنتش واخد بالك لأنك عمرك ما سألت نفسك أنا ليه بدفع كل مرة وليه هما عمرهم ما بيحاولوا حتى يطلعوا محافظهم قبل ما الحساب ييجي فضل ساكت وأنا دخلت أوضتنا وسبته لوحده كنت فاكرة إن الموضوع انتهى عند الفواتير وإنهم هيفهموا الرسالة لكن اللي حصل بعدها بأيام أثبتلي إن المشكلة كانت أكبر بكتير مما توقعت بعد يومين لقيت نجلاء باعتالي رسالة على الموبايل كتبتلي برافو عليكي يا منى عرفتي تكسفينا قدام الناس وتبيني إننا ناس مش معاها فلوس قريت الرسالة مرتين وبعدين رديت عليها يا نجلاء أنا عمري ما قلت إنكم مش معاكم فلوس ولا ده موضوعي من الأساس