شارع البحر

روايات_مشيره_محمدقالتلي فريدة بصوت واطي وهي مترددة الشخص اللي وافق على ترقية شريف الدمنهوري هو ابن عمك حسام المنشاوي فضلت ساكت وباصص قدامي كأني مش فاهم هي قالت إيه حسام ابن عمي اللي أنا دخلته الشركة بإيدي واديته فرصة يثبت نفسه بعد ما أبوه خسر كل فلوسه في التجارة حسام اللي كنت بعتبره أخويا واللي كنت سايبه مسؤول عن مراجعة حسابات الفروع ومراقبة المديرين حسام اللي كان بيحضر معايا كل اجتماعات الإدارة وبيتكلم طول الوقت عن الأمانة والعدل وإن اسم عيلتنا لازم يفضل مرفوع ضحكت ضحكة قصيرة من غير أي فرحة وقلتلها إنتي متأكدة من الكلام ده يا فريدة ردت عليا بسرعة متأكدة يا آدم وعندي مستندات بتثبت إن حسام هو اللي وقّع على ترقية شريف وإنه كمان رفض كذا شكوى اتقدمت ضده سألتها وأنا بحاول أسيطر على أعصابي رفض الشكاوى ليه اترددت شوية وبعدين قالت عشان شريف كان بيحوّل فلوس من حسابات الفرع لحسابات تانية مش مسجلة في دفاتر الشركة والتقارير اللي كانت بتوصلك كانت بتخفي العجز ده حطيت كوباية القهوة على الترابيزة وقومت وقفت يعني الموضوع مش مجرد مدير قليل الأدب مع الناس فريدة ردت لأ يا آدم الموضوع أكبر بكتير من كده سألتها وإنتي عرفتي كل ده من إمتى قالتلي من حوالي شهرين بس كل ما كنت أحاول

أراجع حسابات الفرع كان حسام بيوقفني بحجة إن فيه مراجعة سرية وإن الموضوع لازم يفضل بينه وبينك غمضت عيني لحظة وأنا بحاول أفتكر كل مرة حسام وقف جنبي فيها واتكلم عن مصلحة الشركة وبعدين قلتلها اسمعيني كويس يا فريدة محدش يعرف إننا عرفنا حاجة لا حسام ولا شريف ولا أي حد في الإدارة ردت بثقة هتعمل إيه قلتلها هعمل نفسي مش عارف حاجة وهسيبهم يكملوا لعبتهم لحد ما أعرف كل واحد فيهم وصل لإيه قفلت المكالمة وفضلت قاعد لحد الفجر بفكر في إيمان البنت اللي خسرت وردية شغل عشان دفعت تمن قهوة لواحد غريب والراجل اللي سرق من نفس المكان اللي بيدفع منه مرتبات الموظفين كان فيه فرق كبير بين الاتنين فرق خلاني أقرر إن الموضوع مش هينتهي بفصل مدير وخلاص تاني يوم الصبح اتصلت بفريدة وطلبت منها تعمل حاجة محددة قلتلها عايز كشف بكل الشكاوى اللي اتقدمت ضد شريف من أول يوم استلم فيه الفرع وكمان كل التحويلات المالية اللي ليه علاقة بيها قالتلي حاضر بس فيه حاجة تانية لازم تعرفها سألتها إيه هي قالتلي إيمان عبد الرحيم قدمت شكوى رسمية ضد شريف من تلات شهور بسبب خصم فلوس من مرتبها وتهديدها بالفصل لكنها سحبت الشكوى بعد يومين استغربت وسألتها سحبتها ليه فريدة ردت مش عارفة بس واضح إن

حد ضغط عليها في اللحظة دي افتكرت وشها وهي خارجة من مكتب شريف وعينيها حمرا من العياط وقلت لنفسي إن البنت دي أكيد شافت أو عرفت حاجة أكبر من موضوع القهوة قررت أرجع الفرع تاني لكن المرة دي كان عندي هدف واضح الحقيقة وصلت الكافيه قبل الضهر بشوية بنفس الهدوم القديمة وقعدت على نفس الترابيزة اللي جنب الشباك شريف كان واقف عند الكاشير بيتكلم مع موظف جديد بصوت عالي إنت لازم تفهم إن المكان ده مش جمعية خيرية واللي مش عاجبه نظام الشغل يمشي من غير ما يبص وراه الموظف هز راسه بخوف وقال حاضر يا أستاذ شريف في اللحظة دي دخلت إيمان من باب الموظفين كانت لابسة نفس الزي وملامحها باين عليها إنها مانامتش كويس أول ما شافتني ابتسمت ابتسامة صغيرة وقالت أهلا يا فندم نورتنا تاني قلتلها صباح الخير يا إيمان عاملة إيه النهارده قالتلي الحمد لله يا فندم وبعدين بصت ناحية مكتب المدير وأضافت بصوت واطي بس خلي بالك من نفسك هنا بصتلها باستغراب وسألتها ليه بتقولي كده قبل ما ترد شريف نادى عليها بعصبية إيمان تعالي هنا بصتلي بسرعة وقالت بعد إذنك يا فندم ومشيت ناحيته المرة دي كنت مركز معاهم كويس وشفت شريف بيديها ورقة وبيطلب منها تمضي عليها إيمان بصت للورقة واتغير لون وشها