شارع البحر

بس شريف كان بيقول إنها شركة جديدة بتورد للكافيهات قلتلها إنتي تعرفي حسام المنشاوي أول ما سمعت الاسم وشها اتغير قالتلي أيوه شفته هنا أكتر من مرة وكان شريف بيستقبله بنفسه ويدخله المكتب ويقفل الباب عليهم سألتها سمعتي كلام بينهم اترددت شوية وبعدين قالت مرة كنت بقدم قهوة في المكتب وسمعت شريف بيقول له إن الحسابات اتقفلت وإن محدش هيعرف يوصل للتحويلات حسام رد عليه وقاله إن المهم محدش يعرف إن الشركة دي ملهاش مخازن حقيقية في اللحظة دي حسيت إن الصورة بدأت تكمل قدامي السرقة ماكانتش مجرد فلوس بتختفي من درج الكاشير كان فيه شركة وهمية وفواتير مزورة وتحويلات بتتغطى بتقارير مالية شكلها مثالي شكرت إيمان على شجاعتها وقلتلها أنا هحميكي وهضمن إن محدش يقدر يهددك بسبب اللي عملتيه بصتلي بحذر وقالت حضرتك مين بالضبط سكت لحظة ماكنتش عايز أكذب عليها لكن برضه ماكنتش مستعد أكشف كل حاجة مرة واحدة قلتلها أنا شخص يقدر يساعدك توصلي لحقك بس محتاجك تثقي فيا بصتلي وقالت أنا مش عايزة فلوس ولا عايزة أضر حد أنا كل اللي عايزاه إني أشتغل من غير خوف وإن محدش يجبرني أظلــ,,ـــــم الناس الكلام ده خلاني أحترمها أكتر وقلتلها وده اللي هيحصل رجعت البيت واتصلت بفريدة وطلبت منها تقابلني فورًا أول ما وصلت حطيت قدامها صور المستندات

اللي إيمان ادتهالي فريدة فضلت تقلب في الأوراق لحد ما وصلت لآخر ورقة ووشها اتغير قالتلي آدم الشركة دي مسجلة باسم شخص متوفي من سنتين سألتها يعني إيه قالتلي يعني فيه حد بيستخدم بيانات شركة ملهاش وجود حقيقي عشان يمرر الفلوس من خلالها قلتلها عايز كل حاجة تتراجع بمعرفة محاسب مستقل ومحامي الشركة ومش عايز حسام يعرف إننا بنحقق في الموضوع فريدة قالتلي لو طلع حسام متورط فعلًا هتعمل إيه بصيتلها وقلت هحاسبه بالقانون زي أي حد تاني مهما كان اسمه أو صلته بيا تاني يوم بدأت المراجعة السرية لكل حسابات الفرع والشركة الوهمية وبعد يومين ظهرت الحقيقة اللي كنت خايف منها حسام ماكانش مجرد شخص ساكت عن فساد شريف ده كان شريك معاه في سرقة فلوس الشركة من خلال فواتير توريدات وهمية وتقارير مزورة والأخطر إنهم كانوا بيخططوا يحملوا إيمان مسؤولية العجز المالي بحجة إنها كانت بتشتغل على الكاشير شريف كان مجهز مستندات مزورة تثبت إن إيمان اعترفت إنها أخدت فلوس من الدرج وكان ناوي يفصلها ويقدم فيها بلاغ عشان يسكتها نهائيًا لما عرفت التفاصيل حسيت بغضب عمري ما حسيت بيه قبل كده مش عشان الفلوس اللي اتسرقت لكن عشان بنت غلبانة كانت بتحاول تعيش بالحلال وكانوا مستعدين يدمروها عشان يغطوا على جريمتهم قررت إن المواجهة لازم تحصل قدام

الناس اللي يقدروا يثبتوا الحقيقة بعد تلات أيام اتبعت لحسام دعوة لاجتماع طارئ في المقر الرئيسي لمجموعة كافيهات المنشاوي وصل حسام وهو لابس بدلة غالية ووشه مليان ثقة أول ما شافني قاعد على رأس الترابيزة ابتسم وقال إيه يا آدم مالك مختفي اليومين دول بصيتله من غير ما أرد قعد على الكرسي وبص لفريدة وقال إيه الاجتماع المهم ده فريدة فتحت ملف قدامها وقالت مراجعة مالية عاجلة بخصوص فرع شارع البحر حسام ضحك وقال فرع شارع البحر تاني هو إحنا هنفضل نضيع وقتنا في فرع واحد بصيتله وقلت بهدوء أيوه يا حسام لأن واضح إن فيه حاجات كتير بتحصل فيه وإنت كنت عارفها ابتسامته اختفت للحظة لكنه رجع تماسك وقال مش فاهم قصدك فتحت الملف وطلعت أول مجموعة مستندات وحطيتها قدامه دي تحويلات مالية لشركة توريدات وهمية ودي فواتير مزورة ودي توقيعاتك على الموافقة بتمرير المصروفات حسام بص للأوراق وبعدين رفع عينه ليا وقال مين اللي جابلك الكلام ده قلتلُه المهم إن الكلام مثبت بالمستندات مش مين اللي جابه بدأ صوته يعلى إنت مصدق الورق ده وبتشك في ابن عمك رديت عليه بهدوء أنا مش بشك فيك يا حسام أنا بواجهك بحقيقة اتثبتت بالمراجعة خبط بإيده على الترابيزة وقال دي مؤامرة عشان توقعني فريدة ردت عليه المحاسب المستقل راجع الحسابات