ابنى مختلف.................. روايات_مشيره_محمد

روايات_مشيره_محمد
وقفت مكاني وأنا ببص لابني ومش قادرة أستوعب اللي بيحصل قدامي
ست سنين كاملين وأنا بدعي ربنا أشوفه ولو للحظة واحدة وأطمن إنه عايش وبخير ودلوقتي بعد ما رجع أخيرا واقف قدامي لقيته بيبص لجوزي وبيطلب منه يقول لي الحقيقة
بصيت لجوزي وقلت له بصوت بيرتعش

حقيقة إيه يا محمود؟ إنت مخبي عني إيه؟ وإيه اللي ابني بيتكلم عنه؟محمود حاول يحافظ على هدوءه المعتاد وقال ببرود
أنا مش فاهم هو بيتكلم عن إيه يا نادية ده داخل علينا بعد ست سنين غياب وبدل ما يسلم عليكي ويطمنك جاي يتهمني من غير سبب

ابني ضحك ضحكة قصيرة مفيهاش أي فرحة وقال
لسه هتكدب يا محمود؟ بعد كل اللي عملته لسه هتفضل تمثل دور الراجل المحترم؟صړخت فيهم وأنا مش قادرة أتحمل
حد يفهمني في إيه أنا مش فاهمة حاجة
ابني قرب مني خطوة وبص في عيني وقال
يا ماما أنا عارف إنك طول السنين اللي فاتت كنتي فاكرة إني مشيت علشان مش قادر أتقبل كلامه وإهانته ليا وإنه كان بيحاول يغيرني بالقوة لكن الحقيقة أكبر من كده بكتير

حسيت بقلبي بينقبــ,,ـــــض وسألته
يعني إيه يا حبيبي؟ إنت مشيت ليه بالظبط؟بص ناحية محمود وقال

علشان هو كان مخطط يخليني أختفي من حياتك للأبد
محمود اتنفض من مكانه وقال بعصبية
إنت بتقول إيه يا كداب؟ إنت فاكر نفسك مين علشان تدخل بيتي وتتهمني بالكلام ده؟ابني ما ردش عليه لكنه طلع من شنطته الجلدية ظرف بني قديم وحطه على الترابيزة
وقال لي

افتحيه يا ماما وشوفي بنفسك
إيدي كانت بتترعش وأنا بفتح الظرف ولقيت جواه صور ورق مطبوع ونسخ من رسائل قديمة
أول ورقة وقعت عيني عليها كانت صورة لابني وهو خارج من البيت في ليلة عيد ميلاده
لكن اللي صدمني مش الصورة نفسها
اللي صدمني كان التاريخ المكتوب تحتها

الصورة كانت متاخدة قبل ما ابني يمشي بساعات
رفعت عيني وبصيت لمحمود وقلت
إنت كنت بتراقبه؟محمود حاول يخطف الورق من إيدي لكن ابني وقف بيني وبينه وقال
إوعى تمد إيدك على حاجة تخصني تاني
رجعت أبص في الورق ولقيت رسالة مطبوعة بين محمود وشخص اسمه سامح
الرسالة كان مكتوب فيها إن محمود بيدور على طريقة يبعدني بيها عن ابني وإنه عايز يثبت إني مش قادرة أربيه علشان يقدر يقنعني إني أسيبه يعيش بعيد عن البيت

حسيت إن الأرض بتلف بيا
قلت بصوت مخڼوق
إنت كنت عايز تبعد ابني عني ليه؟ ده ابني الوحيد وملهوش غيري

محمود رد بسرعة
أنا كنت بحاول أربيه وأخليه يبقى شخص طبيعي وأحميه من الطريق اللي كان ماشي فيه
ابني بص له وقال
تربيني؟ إنت كنت بتعاملني كأني عدوك من أول يوم دخلت فيه البيت
وبعدين لف ناحيتي وقال
يا ماما فاكرة يوم ما رجعت من المدرسة وكنت لاقيتك بټعيطي في أوضتك؟

وقلتي لي إن محمود زعق لك علشان دافعتي عني؟هزيت راسي وأنا بعيط
قال لي
في اليوم ده أنا سمعت كلام تاني ما كنتش المفروض أسمعه
وسكت لحظة كأنه بيجمع شجاعته علشان يكمل
وبعدين قال

سمعته بيكلم واحد صاحبه وبيقوله إنه هيخليكي تختاري بينه وبيني وإنه لو ما نجحش هيخلي الناس كلها تصدق إني خطړ عليكي وإن وجودي في البيت هيضيع حياتك
حطيت إيدي على بقي وأنا مش مصدقة
ست سنين وأنا فاكرة إن ابني سابني بمزاجه وإنه اختار حياته بعيد عني