ابنى مختلف.................. روايات_مشيره_محمد

يا ماما عايز أقولك حاجة
قلت له
قول يا حبيبي
قال
أنا مسامح محمود على اللي عمله فيا علشان مش عايز أفضل شايل الڠضب جوايا لكن ده مش معناه إني هنسى أو هسمح لأي حد يأذيني تاني
مسكت إيده وقلت له

وأنا فخورة بيك يا ابني مش علشان بقيت ناجح ولا علشان بقي عندك شغل وفلوس لكن علشان قدرت تقوم بعد كل اللي حصل لك وتفضل إنسان طيب
يوسف ابتسم وقال
أنا اتعلمت منك يا ماما إن الحب مش معناه إننا نتــ,,ـــــحكم في اللي بنحبهم الحب معناه إننا نديهم الأمان حتى لو مختلفين عننا

وقتها فهمت إن أكبر خسارة في السنين اللي فاتت ما كانتش غياب ابني عن البيت لكن كانت إني صدقت كلام شخص تاني من غير ما أعرف الحقيقة كاملة
ومن يومها قررت إن أي حد في حياتي لازم يكون وجوده سبب في راحتي وراحة ابني مش سبب في خوفنا ووجعنا

أما يوسف ففضل قريب مني وبقينا نعوض الأيام اللي راحت واحدة واحدة
وفي يوم وإحنا قاعدين في البلكونة سألني فجأة
يا ماما لو رجع بيكي الزمن كنتي هتتجوزي محمود؟بصيت له شوية وبعدين قلت
أنا ما اقدرش أغير اللي فات يا ابني لكن أقدر أتعلم منه وعمري ما هسمح لأي حد يخليني أختار بينك وبين كرامتك تاني

يوسف حضڼي وقال
كفاية عندي إنك عرفتي الحقيقة وإننا رجعنا لبعض
وفي اللحظة دي عرفت إن ابني ما رجعش علشان ينتقم ولا علشان يثبت إنه أقوى من جوزي السابق
هو رجع علشان يرجع لي الحقيقة ويرجع لنفسه حقه في الحياة ويرجع لبيته وهو رافع راسه
وأحيانا يا جماعة أصعب حاجة مش إن حد يسيبنا ويمشي لكن إن حد يخدعنا لدرجة إننا نصدق إن الشخص اللي بنحبه هو اللي اختار يبعد عننا

والأهم من كل ده إن الحب الحقيقي عمره ما بيحتاج مننا نكسر اللي قدامنا علشان نثبت إننا بنحبه لأن اللي بيحب بجد بيدي أمان مش بيزرع خوف وبيفتح أبواب مش بيقفلها في وش أقرب الناس لينا
تمت... روايات_مشيره_محمد