ابنى مختلف.................. روايات_مشيره_محمد

ابني بص له وقال
أنا ما رجعتش علشان أنتقم أنا رجعت علشان أوقف كدبك وأخلي أمي تعرف إنها ما خسرتنيش بإرادتها
وبعدين قال له
وفيه حاجة تانية لازم تعرفها
محمود اتوتر وقال
إيه هي؟

ابني طلع من الظرف مجموعة أوراق عليها أختام رسمية وقال
أنا لقيت الأوراق دي من شهرين لما كنت براجع حاجات قديمة تخص أمي
الورق ده كان فيه تحويلات مالية حصلت من حساب أمي لحساب شخص اسمه سامح في الفترة اللي اختفيت فيها
أنا عمري ما كنت أعرف إن فيه فلوس اتسحبت من حسابي في الفترة دي أصلا

بصيت لمحمود پصدمة
قلت له
فلوسي؟ إنت سحبت فلوسي من غير ما تقولي؟محمود بدأ يتلجلج وقال
دي كانت مصاريف البيت وأنا كنت بتصرف على الأسرة
ابني رد عليه

المشكلة إن التحويلات دي كانت بتروح لشخص إنت كنت بتدفع له علشان يساعدك تجمع معلومات عني وتعرف أنا فين
الراجل ده نفسه احتفظ بالرسائل والتحويلات وبعد خلاف حصل بينه وبين محمود قرر يحتفظ بنسخ منها
ولما ابني وصل له عرف جزء كبير من الحقيقة
محمود قعد على الكرسي ووشه اصفر

لكن ابني ما كانش خلصان
قال له
أنا ما اتهمتكش بحاجة من غير دليل وكل الأوراق دي راجعها محامي قبل ما أجي هنا
لو فيه حاجة مش واضحة تقدر ترد عليها قدام الجهات المختصة
محمود قام فجأة وقال

إنت فاكر إن الورق ده هيهدم حياتي؟ إنت ما تعرفش أنا عملت كل ده ليه
بصيت له وأنا مش قادرة أصدق إن الراجل اللي عشت معاه سنين بيتكلم بالطريقة دي
قلت له
أمال عملت كل ده ليه يا محمود؟ كنت عايز إيه من ابني؟
سكت شوية وبعدين قال بصوت منخفض

كنت عايز البيت يبقى هادي وكنت عايزك تبصي لي أنا بدل ما كل اهتمامك يبقى لابنك
الكلام ده وجعني أكتر من كل اللي سمعته
قلت له
يعني كنت بتغير من ابن مراتي؟ من شاب فقد أبوه وهو صغير وما كانش له غيري؟
محمود رد بعصبية

أنا كنت حاسس إني غريب في بيتي وإن مهما عملت هيفضل هو أهم مني
هزيت راسي وأنا بعيط وقلت له
إنت كنت تقدر تتكلم معايا وتقول لي إنك حاسس بكده لكن إنت اخترت تكسر قلب ابني وتخليني أعيش ست سنين فاكرة إنه نسي أمه
وبعدين شاورلي ابني على الرسائل وقال

يا ماما هو كان بيقولك إني مش عايز أكلمك لكن الحقيقة إنه كان بيحاول يمنعني من الوصول ليكي
في اللحظة دي حسيت إني مش قادرة أتنفس
كل مكالمة كنت مستنياها وكل عيد ميلاد كنت بعيط فيه وكل مرة كنت أقول لنفسي يمكن ابني نسيني كانت مبنية على كدبة كبيرة

قربت من محمود وقلت له
أنا مش عايزة أسمع منك أي تبرير تاني
إنت ما حرمتنيش من ابني بس إنت كمان سړقت مني ست سنين من عمري كنت ممكن أعيشهم وأنا جنبه
محمود حاول يمسك إيدي وقال
يا نادية اديني فرصة أصلح اللي حصل
سحبت إيدي منه وقلت