عشر سنين

إحنا مفيش بيننا حاجة عشان نرجع لها! طلع ورقة من جيبه لمياء هتوقع على الطلاق بكرة! ما أخدتش الورقة مبروك. وبعدها نتجوز فوراً! لأ. وشه اتشنج إحنا بقالنا عشر سنين مع بعض! أنت اللي بقالك عشر سنين متجوز ست تانية! ده كان عشان الأوراق بس! خلاص.. طلقها عشان الأوراق برضه! قرب مني ومسك إيدي أنا بحبك يا فريدة.

. سماع الكلمة دي منه المرة دي جاب لي قرف وغمضان نفس! عارف إيه أسوأ حاجة عملتها يا أحمد؟ إيه؟ إنك لما تسألت عملت كده ليه.. ما اعتذرتش وما استغفرتش! بص للحيطة.. كملت أنت قولت لي أنتِ كده كده واخدة الانتظار والمسكنة! غمض عينيه.. افتكر الجملة. أنا كنت متوتر وقتها بس.. لأ.. أنت كنت ضامني وواثق إني في جيبك.. والضمان ده كان أكبر غلطة عملتها في حياتك!

لمياء رفعت قضية طلاق بعدها بأسابيع.. مش عشان تنضف، بس لأن أحمد بدأ يرمي التهم عليها قدام زمايله ويقول إنها هي اللي ضغطت عليه واستغلته! لمياء ردت ونشرت سكرين شوت ورسايل بينهم بتثبت إنه هو اللي كان بيمشي كل حاجة.. الجواز المزيف تحول لحرب شوارع بين اتنين كدابين! ولما اتنين كدابين بياكلوا بعض، الحقيقة بتطلع في النص لوحدها.

السلطات طلبت تحقيقات إضافية عن أوراق الهجرة السابقة.. أحمد قال إنهم كانوا عايشين زي الأخوات! لمياء قدمت صور وفيديوهات عائلية ومصاريف مشتركة! أحمد قال دي مظاهر.. لمياء قدمت تسجيلات بصوته وهو بيلقنها تقول إيه في المقابلات! أنا ما تابعتش التفاصيل دي كتير.. مكنتش عايزه أحول حياتي لرحلة اڼتقام.. أنا رجعت لشغلي، اشتريت بيت جديد في نيويورك، وسافرت مدريد وبعدها القاهرة.

. ولأول مرة من سنين، لما حد يسألني أنتِ مقيمة فين؟ ما أقولش على حسب الفيزا والجواز! بعد ثلاث شهور، جالي اتصال من رقم غريب.. لمياء. أنا محتاجة أقابلك يا فريدة. لأ. أرجوكي.. أحمد عايز يستغل ياسين ويرميه في النص! الكلمة دي خلتني أوافق.. تقابلنا في مكتب المحاميين بتوعي، لمياء كان باين عليها العجز وشكلها كبر عشر سنين.

حكت لي إن أحمد عايز يلبسها قضية التزوير لوحدها ويقول إنها هددته بياسين.. وسألتها وهو مكنش كده؟ لأ.. أحمد هو اللي اقترح الجواز بعد ۏفاة أخوه عشان الإقامة.. ولما سألته عنك، قال لي إنك عمرك ما هتعرفي! سكت شوية وسألتها وعلاقتكم كانت مجرد ورق بس؟ لمياء بكت وقالت في الأول أيوة.. بس من خمس سنين حصل حاجات بيننا.. أنا قمت وقفت قفلي الموضوع ده.. مش عايزه أسمع قرف تاني.

وقبل ما أمشي قالت لي أحمد كان عايز يفضل متجوزني حتى بعد ما ياسين يتم ١٨ سنة.. كان عايزنا نقعد ٥ سنين كمان عشان محدش يشك! ابتسمت.. افتكرت وعد أحمد ليا أول ما ياسين يتم ١٨ سنة هنتجوز بجد! أوهام جديدة وجزر بيتعلق قدام حمار عشان يفضل ماشي! لو كنت فضلت مستنية.. كانوا هيبقى ١٥ سنة ضياع! لما ياسين تم ١٨ سنة.. بعتلي مسج قصير شكراً إنك ما دخلتنيش في الحړب دي.