عشر سنين

قرب مني پصدمة فريدة.. أنتِ عملتي إيه؟! قمت وقفت بثبات ما عملتش حاجة.. لو أنت شاطر ومهم ومستغني زي ما بتقول، الحاجات دي مش هتفرق معاك! مسك دراعي بغشم.. إلهام قربت خطوة عشان تتدخل، بس أنا بصيت لإيده اللي مسكاني وقولت بصوت واطي يرعب نزل إيدك. اتكلمي والأول افهميني! قدامك ثلاث ثواني وتنزل إيدك. ساب دراعي فوراً.. يمكن لأنها أول مرة في حياته يسمعني بكلمه بالبرود والقوة دي.

مؤسسة العز للعلوم والمنح هي الداعم والرئيسي الخاص لمعهد هارتويل.. أحمد كشړ إيه علاقة ده بموضوعنا؟! المؤسسة دي بتاعتي أنا. فضلت الموقف ساكت ثواني وهو مش مستوعب الكلام.. وبعدين ضحك بسخرية بلاش هبل وكلام فاضي! إلهام قدمت له فايل ودوسيه حطته قدامه على الترابيزة.. على الغلاف كان فيه لوجو ورمز شركات مجموعة العز الموحدة. أحمد أول ما شاف اللوجو اټصدم.. طبعاً عرفه!

ده نفس اللوجو اللي محفور بالرُخام على باب مبنى الأبحاث اللي بيشتغل فيه كل يوم! لأ... مش معقول.. أيوة.. معقول جداً. فتح الصفحات بسرعة وجنون.. تبرعات.. اتفاقيات.. تمويل أبحاث.. حصص في أصول المكان.. إيديه بدأت تترعش من إمتى الكلام ده؟! من قبل ما أعرفك أساساً. رفع رأسه وبصلي بغل أنتِ خدعتيني ويكدبتِ عليا! الموقف كان مستفز لدرجة إني حسيت إني أسطورة في الوقاحة! أفندم؟! طول الوقت ده عاملة نفسك مكيورة ومعكيش حاجة ومستورة بالعافية!

أنا عمرِي ما قولت إني فقيرة! أنتِ خبيتي عليا حاجة بالحرجم ده! وأنت خبيت عليا إن عندك زوجه كاملة الأوصاف!! سكت وماردش.. دي مش زي دي! عندك حق.. دي مش زي دي فعلاً! قربت منه وقولت له في وشه أنا حميت ثروة أهلي وعيلتي بالقانون.. إنما أنت عملت جواز مزور معايا وأنت متجوز ست تانية في الحقيقة وبيتها معاك! أنا عملت كده عشان خاطر ياسين وابن أخويا!

يبقى خلي ياسين بقى ينفعك وياخد بالك منك لما تخسر كل حاجة كنت فاكر إنك بنيتها بمجهودك! خرج أحمد وهو مش شايف قدامه.. بس قبل ما يخرج قال كلمة أثبتت لي إنه لسه مش فاهم حجم الموقف لما تهدَي وتفكّي النكد ده.. هنبقى نتكلم. كان فاكر إن دي خناقة زوجية عابرة! فاكر إني بعد كام يوم هجري أقدم على طلب إقامة جديد.. فاكر إن عشر سنين كدب وضياع هيداووا بكلمتين ووردتين!

في نفس اليوم بالليل، جاتلنا أول نتائج التحريات والتحقيق القانوني.. جواز أحمد ولمياء كان قانوني ورسمي ١٠٠٪.. اتجوزوا بعد ۏفاة أخوه ب ١١ شهر بالظبط.. ولمياء أخدت الإقامة بسببه، وياسين دخل في أوراق الهجرة كابن له. لحد هنا، مفيش چريمة واضحة تقدر تمسكه بيها قانوناً.. بس اللي كان يوجع أكتر ليا.. إن خلال السنين دي كلها، أحمد كان بيبعت أوراق وإقرارات مالية مشتركة بينه وبين لمياء!

حسابات بنكية كروت.. تأمين صحي.. عقود إيجار بيوت.. صور عائلية في رحلات وإجازات! هما مكنوش مجرد كاتبين ورقة عشان الإقامة.. هما كانوا عايشين حياة عيلة كاملة رسمياً وواقعياً قدام الدولة، وفي نفس الوقت كان يمثل عليا دور الزوج المشتاق اللي المنتظر! شفنا صور لهم في الكريسماس.. أعياد ميلاد.. مصايف في فلوريدا.. وحفلات تفوق للمدرسة لياسين.. أحمد واقف جنب لمياء، وهي ماسكة في دراعه، وصورة تانية قدام تورتة مكتوب عليها عيد جوازنا السعيد!